देहरादून : सविता कंसवाल तै दिए गै मरणोपरांत तेनजिंग नोर्गे पुरस्कार। राष्ट्रपति मुर्मू न सविता कंसवाल क बुबाजी तै ये पुरस्कार प्रदान कै।
उत्तरकाशी जिले क भटवाड़ी ब्लॉक मां लौंथूरू गौं क निवासी युवा पर्वतारोही सविता कंसवाल न साल 2022, क 12 मई मा माउंट एवरेस्ट मा तिरंगा फहरै छै। येक 15 दिन क अंदर 28 मई मा माउंट मकालू चोटी क भी सफल आरोहण कै छै। इतगा कम बगात मा दुइयों पर्वतों तै फतह कैकी सविता न नयु राष्ट्रीय रिकार्ड अपणु नौ कै छै। 04 अक्टूबर का दिन उत्तराखंड क उत्तरकाशी जिले मा करीब 40 मनखियों कुंण काल बन कैकी ऐ। जै चोटी तै फतह करण कुंण 40 लोख्यूँ एक दल निकलु छै, वे चोटी मा ऐ हिमस्खलन (एवलांच) मा ये मनखी वक्खी दब गै।
ये हादसा मा सविता क दगड़ी दगड़ी कुछ हैंका पर्वता रोहियों क भी मौत हुए गै छै और कुछ तै बचा लिए गै छै। सविता ये दल क ट्रेनर छै।सविता न ऐवरेस्ट आरोहण क 15 दिनों क भीतर माउंट मकालू क भी सफल आरोहण कैकी रिकॉर्ड बनै छै। येका दगड़ी माउंट ल्होत्से चोटी मा तिरंगा लहराण वाली सविता देश क दुसरी महिला पर्वतारोही बन छै।
